Жаңалықтар

2019 жылы 16 сәуірде ОҚМПУ ұстаздары мен студенттері «Назарбаев орталығында» мемлекет және қоғам қайраткері, ҚР Парламент Сенатының 2001-2008 жж. сайланым депутаты, «Құрмет белгісі» және «Парасат» ордендерінің иегері Өтебаев Мүсірәлі Смайылұлымен кездесу кеші өтті.

Кездесуді «Рухани жаңғыру» орталығы басшысы, т.ғ.к. Қ.С.Анарбаев жүргізіп отырды. Кездесу қонағының өмірі мен қызмет жолдары туралы көпшілікке география-экономика кафедрасының меңгерушісі г.ғ.к. А.Тажекова таныстырылым жасады. Кеш барысында тәуелсіз Қазақстан Республикасының экономикасы мен руханиятының даму көрсеткіштері туралы, болашақ мүмкіндіктері және кәсіп таңдау мен елге қызмет етудегі бүгінгі жастардың білімі мен тәжірибесіне қатысты емен-жарқын пікір алмасулар орын алды.

 

2019 4-5 сәуірде ОҚМПУ қабырғасында «Рухани жаңғыру-қазақ өркениетінің жаңа дәуірі және жастар» атты студенттердің республикалық VIII ғылыми-тәжірибелік конференциясы өтті.

  

 Конференция аясында биылғы «Жастар жылы» аясында ОҚМПУ тарапынан жарияланған «Жас зерттеуші» республикалық студенттік байқауының қорытындалары да шығарылып, жеңімпаздарды материалдық және моральдық тұрғыдан марапаттау іс-шаралары өтті.

І дәрежелі диплом

1.Тоқтамыс Нұрболат - Оңтүстік Қазақстан мемлекеттік педогогикалық университетінің жаратылыстану факультеті, химия кафедрасы 125-17а  тобының студенті;

Ғылыми жетекшісі: Магистр оқытушы Әль-Фарабиқызы Жанар.

ІІ дәрежелі диплом

1. Тухтамурадов Жанкелди Кенжебаевич, Ғазизов Нұрай Сәулетұлы– Академик Е. А. Бөкетов атындағы Қарағанды мемлекеттік университеті,  Филология факультеті, 5В050205 – қазақ филологиясы мамандығы, 3 курс студенттері;

Ғылыми жетекшісі: Халықаралық Ақпараттану Академиясының aкадемигі, филология  ғылымдарының докторы, профессор Жандос Қожахметұлы Смағұлов.

2.Сылдырбаева Анар Сабетханқызы – Қазақ Ұлттық аграрлық университетінің ветеринария факультеті, 4 курс студенті;

Ғылыми жетекшісі: Ветеринария ғылымдарының кандидаты, қауымдастырылған профессор Ибажанова Асем Сериковна.

ІІІ дәрежелі диплом

1. Кереева Таңшолпан - «Баишев Университеті» мекемесі, Бизнес және құқық жоғары мектебі,  қаржы мамандығы  3 курс студенті;

Ғылыми жетекшісі: Аға оқытушы, магистр  А.У.Конакбаева.

2.Тулентаев Алғабас Нураллауғли – «Сырдария» университеті;

Ғылыми жетекшісі: PhD доктор Абдуразова Перизат Адилбековна.

2.Дошан Ұлмекен – Оңтүстік Қазақстан мемлекеттік педагогикалық университеті, қазақ тілі мен әдебиеті мамандығы, 121-17 тобының 2 курс студенті;

Ғылыми жетекшісі: филология ғылымдарының кандидаты Алтынбеков Қосай.

3.Тулентаев Алғабас Нураллауғли – «Сырдария» университетінің химия мамандығының 2 курс магистранты;

Ғылыми жетекшісі: PhD доктор Абдуразова Перизат Адилбековна

 «Үздік жоба» номинациясы

1.Ахмет Ақжар - Оңтүстік Қазақстан мемлекеттік педагогикалық университеті, биология мамандығының студенті;

Ғылыми жетекшісі: биология ғылымдарының кандидаты Сарсембаева Мариана.

«Жыл жаңалығы» номинациясы

1.Беркінбаева Аяулым Жаңабайқызы - Шымкент қаласы, химия-биология бағытындағы Назарбаев зияткерлік мектебінің 9-А сынып оқушысы;

Ғылыми жетекшісі: физика магистрі Смагулова Айнур Нурабаевна.

2.Бейсенбаева Мерей Әділетқызы – Шымкент қаласы, химия-биология бағытындағы Назарбаев зияткерлік мектебінің 8-А сынып оқушысы;

Ғылыми жетекшісі: Биология пән мұғалімі Нұркешов Бауыржан Боранбайұлы.

«Ең жас ғалым» номинациясы

1.Алимбаева Аружан Әділқызы – Кенесары Қасымұлы атындағы №33 жалпы орта білім беретін мектебінің 7 «Ә» сынып оқушысы;

Ғылыми жетекшісі: география пәнінің мұғалімі Зулфибекова Айша Мирайдаровна.

2. Репин Руслан – № 20 Г.С.Титов атындағы мектеп- гимназияның 8-сынып оқушысы;

Ғылыми жетекшісі: Заплатина Валентина Анатольевна

«Үздік презентация» номинациясы

1.Кождан Камила – Шымкент қаласы, химия-биология бағытындағы Назарбаев зияткерлік мектебінің 11-В сынып оқушысы;

Ғылыми жетекшісі: физика магистрі Смагулова Айнур Нурабаевна.

2. Мұса Нұрбала Бекболатқызы – «Сырдария» университеті.

Ғылыми жетекшісі: ф.ғ.к.,доцент м.а. Абенова Лаззат Усмановна.

2019 жылдың 9-сәуір күні Оңтүстік Қазақстан мемлекеттік педагогикалық университеті қабырғасында 2019 жылғы 1 және 20 сәуір аралығындағы  Мемлекет басшысының «Болашаққа бағдар: рухани жаңғыру» мақаласының шығуына арналған іс-шаралар жоспарына сай «Жастардың рухани жаңғыруындағы дәстүрлі ислам құндылықтарының орны мен маңызы» атты тақырыпта рухани -танымдық кеш өтті. Кешті ОҚМПУ «Рухани жаңғыру» орталығы басшысы, т.ғ.к Анарбаев Қайрат Сапарханұлы жүргізіп отырды. Рухани-танымдық кеш қонақтары арасында  Шымкент қаласы Дін істер басқармасы «Дін мәселелерін зерттеу орталығы» КММ басшысы,ф.ғ.к. Ноғаев Асылбек және аталған мекеменің ақпараттық жұмыстарды ұйымдастыру бөлімінің мамандары Заманханов Бауыржан, Таутаев Қуаныш, ОҚМПУ ұстаздары қатысты.

            Кеш қонақтары ОҚМПУ студент жастарына, жас ұстаздар қауымына елдің рухани жаңғыруында, әсіресе жастардың руханиятындағы Ислам діні құндылықтарының тарихи орны мен маңызына қатысты қызықты да, маңызды ақпараттармен бөлісіп, туындаған сұрақтарға жауаптар берді.

Рухани-танымдық сипаттағы кеш барысында қазақтың қара өлеңдері мен дүниетанымға толы жырларынан үзінділер келтіріліп, ислами құндылықтардың ұлттық салт-дәстүрдегі орныққан белгілері туралы салиқалы ойлар ортаға салынды.

  

2019 жылдың 20 ақпан күні Шымкент қаласы жасөспірімдер кітапханасында «Рухани жаңғыру» бағдарламасы аясында Түркістан облысы бойынша өткен 2018 жылдың соңғы айларында кітаптары жарияланған он жазушының бірі-Захардин Қыстаубайұлының «Жүректің сөзі» атты кітабының таныстырылымы болды. Аталған іс-шараға қатысқан ОҚМПУ «Рухани жаңғыру» орталығының басшысы, т.ғ.к., доцент м.а. Қ.С.Анарбаев осы кітаптың мазмұнындағы тарихи және мәдени құнды дереккөздік мәнге ие тұстарын жиналған көпшілікке таныстырды. Өз сөзінде баяндамашы еңбектің тұлғатанулық, мәдениеттанулық, рухтанулық, тілтаным және фольклортанулық тұстары туралы сөз қозғады. Соның ішінде автордың суреткерлік қырлары, оның арасында Елбасы Н.Ә.Назарбаевтың көреген саясаткерлік, шынайы патриоттық қырларын суреттеулеріне тоқтала келе көптеген тұлғалар туралы автордың еңбегінде бүгінгі ОҚМПУ ректоры Оңалбай Аяшевтің бет бейнесін автордың назарынан тыс қалмағанына тоқталды. Оңалбай Аяшұлының жалпы елге, оның ішінде оңтүстік жұртшылығының игілігі үшін жасаған еңбектері туралы да құнды мағлұматтар берілгеніне тоқталды. Іс-шара барысында жалпы шығарманың рухани жаңғыру бағытында берері мол тұстары әңгіме арқауы болды.

2019 жылдың 21 ақпан күні сағат 11-30 бен 13-00 арасында университеттің «Назарбаев орталығында» «Рухани жаңғыру» орталығының жұмыс жоспарына қазақ тіліндегі «100 жаңа оқулық» бағдарламасы аясындағы жарияланған К.Армстронгтың «Құдайтану баяны» атты кітабының мазмұнымен және осы еңбекті ЖОО білім беру бағдарламаларында қолданудың ғылыми-әдістемелік жолдары туралы пікіралмасу өтті. Іс-шараға онлайн жүйеде осы кітаптың Ұлттық аударма бюросы тарапынан таңдалған аудармашылар тобының жетекшісі, философия ғылымдарының докторы, профессор Қ.А.Ясауи атындағы ХҚТУ «Ясауи» ҒЗО директоры Д.Кенжетай және ОҚМПУ профессор – оқытушылары, қаладағы ЖОО ғалымдары және студент жастар қатысты. Кездесу барысында Д.Кенжетай аталған еңбектің отыз жыл бұрын жарияланғаны және кітап авторының кейбір тұжырымдары бүгінгі күнге өзекті болып табылмағанымен жалпы ғылыми білімді ілгерілету мен интеллектуалды даму үшін еңбектің мазмұнымен танысу артықтық етпейтіні жайлы ойын жеткізді. Студенттер мен ЖОО ғалымдары кітаптың мазмұны мен оны қолданудың жолдарына қатысты өзіндік пікірлерін ортаға салды. Кездесу барысында қойылған сұрақтарға «қанағаттанарлық» жауаптар берген теолог-ғалым Д.Кенжетайға көпшілік алғыстарын білдірумен бірге осындай еңбектің отандық ғалымдар тарапынан жазылатынына сенім білдірді. Бұл бағыттағы жұмыстардың легі туралы мағлұматтар алған пікіралмасуға қатысушылар риза көңілмен тарасты.

  

«Ұлы даланың жеті қыры»

2019 жылдың 21 ақпан күні «Отырар» қалалық ғылыми-әмбебап кітапханасында Елбасы Н.Ә. Назарбаевтың  «Ұлы Даланың жеті қыры» атты мақаласын түсіндіру мен насихаттау мақсатында «Қазақстан- Ұлы даланың қарашаңырағы» атты тақырыпта ЖОО ғалымдары және қаладағы жалпы орта білім беретін мектептердің тарихшыларының қатысуымен кітапхана оқырман қауымының арасында тарихи танымдық сипаттағы іс-шара өтті. Шараға №90 жалпы орта мектептің директоры А.Орынбеков, ОҚМПУ оқытушысы, тарих ғылымдарының кандидаты Қ.Анарбаев, "Нұр Отан" партиясы Қаратау аудандық филиалы төрағасының бірінші орынбасары, журналист Әбдез Рахманұлы, «Өрлеу» біліктілікті арттыру ұлттық орталығының тарихшы мамандары қатысып, тақырып аясында жайында ойларын ортаға салып, өзара пікір алмасты.

 

 

 

Кешкі оқыту және дайындық факультеті «Бауыржан отбасы үлгісіндегі балалар ауылы» үйінде «Жас ұрпақ – біздің болашақ» атты  тақырыпта қайырымдылық концертін өткізді.

2019 жылдың 22 ақпан күні «Ұлысымның ұйытқысы» болып саналатын Оңтүстік өлкесіндегі қазақ білімінің қасиетті қара шаңырағы саналатын Оңтүстік Қазақстан мемлекеттік педагогикалық университетінің бір топ студенттері Елбасымыздың 2019 жылды «Жастар жылы» деп жариялауына  орай ақпан айының 18 –ші жұлдызынан «Жұлдызды онкүндік» мерекелік іс-шарасын бастап кетті.

Осы мереке аясында университеттің кешкі оқыту және дайындық факультетінің бір топ талантты, өнерлі студент жастары факультеттің  студенттік деканы «тарих және дінтану» мамандығының 2- курс студенті Сабина Сүйерқұлова бастамасымен Сайрам ауданы Қасымбек датқа ауылында орналасқан «Бауыржан отбасы үлгісіндегі балалар ауылы» үйінде «Жас ұрпақ – біздің болашақ» атты  концерттік, әрі қайырымдылық іс-шарасын өткізді.

Балалар ауылы бүлдіршіндері, тұрғындары алдында студенттерән айтып, би биледі. Түрлі ойындар ойнатып, ой жүйрік, өнерін танытқан жеңімпаз бүлдіршіндер сыйлықтармен марапатталды. Ұжым басшысы Шардарбекұлы Саттар ОҚМПУ жастарына алғысын айтып, алдағы уақытта шығармашылық байланыс орнатуға ықылас білдірді. Өз кезегінде факультет деканы Нариман Нұрпейісов те басшы Саттар Шардарбекұлы басқарып отырған ұжым ұстаздарына олардың қайырлы жұмыстары үшін ризашылық білдірді.

Студент жастар да бүлдіршіндердің көзіндегі қуаныш пен достықты, мейірімділікті, ізгілікті, адалдықтықты, сәбиге тән пәктікті көріп қуанып қайтты.

  

 

2019 жылдың 24 қаңтар күні Түркістан облыстық Ы.Алтынсарин атындағы балалар кітапханасында Елбасы Н.Ә.Назарбаевтың «Ұлы даланың жеті қыры» атты мақаласы аясында «Жас ұрпақтың рухын көтеру» атты тақырыпта дөңгелек үстел  өтті.  Дөңгелек үстелге қаламыздағы №1 Дарын мектебінің оқушылары, оқырман қауым және кітапхана қызметкерлері қатысты. Дөңгелек үстелдің арнайы қонағы ретінде шақырылған ОҚМПУ «Рухани жаңғыру» орталығының басшысы Қ.С.Анарбаев Елбасы мақаласының мазмұны мен мәніне қатысты тарихи сананы жаңғыртатын тарихи деректік мағлұматтар мен ұлттық таным мәселелеріне қатысты өз ойларымен бөлісті. Оқырмандар мен оқушылардың ұлттық рухқа қатысты сұрақтарына жауап беріп, жастарды биылғы «2019 –Жастар жылында» белсенді болуға шақырды. Іс-шара соңында жас ұрпақпен жүргізілген жұмыстарға кітапхана басшылығы ризашылығын білдіре отырып, Қ.С.Анарбаевқа алғыс хат тапсырды.

  

 

2018 жылдың 12 желтоқсан күні сағат 11-00  Оңтүстік Қазақстан мемлекеттік педагогикалық университеті «Назарбаев орталығында» ЖОО ұстаздары мен студент жастарының Түркістан облыстық және Шымкент қалалық ардагерлер кеңестерінің мүшелерімен «Оңтүстіктегі рухани өзгерістер» атты тақырыпта кездесуі өтті.

Кездесу қонақтары жастарға тәуелсіздік жылдарындағы оңтүстіктегі рухани өзгерістер туралы кешегі тарихпен салыстырмалы түрде әңгіме өрбіте отырып, еліміздің рухани саласындағы жетістіктеріне қатысты құнды мағлұматтар берді.  Әсіресе, Түркістан облыстық ардагерлер кеңесінің төрағасы Жеңісбек Мәуленқұловтың, Сайрам ауданы ардагерлер кеңесінің төрағасы Әлібек Байназар және университеттің ардагер ұстаздарының аузынан айтылғандай бұл саланың үнемі Елбасы назарында болғаны, солай келе жатқанын дәлелді мысалдармен жеткізуі жастарға пайдалы болды. Соның ішінде еліміздегі, оның ішінде оңтүстікте өткен елді бірлікке мегзеген іс-шаралар мен ел көлеміндегі жүзеге асырылған «Мәдени мұра» бағдарламалары аясында атқарылған түрлі жұмыстардың рухани өзгерістерге ықпалы және Елбасының «Болашаққа бағдар:рухани жаңғыру» және «Ұлы Даланың жеті қыры» атты бағдарламалық мақалаларының руханият үшін мәні мен маңызын қамти отырып айтылған қызықты ақпараттары студенттерді шабыттандырды.

Кездесу барысында студенттер руханиятты дамыту мен оңтүстіктегі осы жайттарға байланысты көкейлеріндегі көп сауалдарды аға буын өкілдеріне қоя отырып, өзіндік ұсыныстарын да қалыс қалдырмады. Кездесу барысында Сайрам ауданы ардагерлер кеңесінің төрағасы Әлібек Байназар Елбасы мақаласына орай өзінің жүрекжарды өлеңін жиылған көпшілікпен бөлісті.

 «Ден қояйық Елбасының хатына,

«Жеті қыр» деп қойылыпты аты да,

Мазмұнына тереңірек үңілсек,

Кереметке жетелейді заты да.

 

Елбасының мақаласы ғаламат,

Талдап көрсең ойға салып саралап,

Тарихымыз тұнып тұрған шежіре,

Еске алып көріп шықсаң аралап.

 

«Жеті қырдан» жеткізейік халыққа,

Қарамастан қиындыққа нарыққа,

Риза болып Елбасыдай алыпқа,

Ұмтылайық өркениет пен жарыққа» -деп жастарды шабыттандырған аға ұрпақ өкілдеріне  студенттер де руханиятты байытар туындыларын сыйға тартты. Кездесу екі жаққа да пайдалы өткені осыдан да байқалып тұрды.

  

 

2018 жылғы  23 қараша күні Қазақстан Республикасы Қоғамдық  даму министрлігінің ұйымдастыруымен Астана қаласында Қазақстан дінтанушыларының «Қазақстан қоғамның рухани қауіпсіздігі: тәжірибесі мен келешегі» атты VIII форумы өтті. Аталған іс-шараға ОҚМПУ-тің «Рухани жаңғыру» орталығының басшысы, тарих ғылымдарының кандидаты Анарбаев Қайрат Сапарханұлы қатысты. Іс-шара барысында Анарбаев Қайрат Сапарханұлы «Алғыс хат»-пен марапатталды.

 

2018 жылдың  қараша  айының 1-не  «Рухани жаңғыру» бағдарламасы аясында  Филология факультетінің  «Ағылшын тілі» кафедрасының ұйытқы болуымен  «Ұлттық сана – ұлттық бірегейлікті сақтаудың негізі: Бүгінгі қыз - ертеңгі келін» атты  тәлімгерлік сағат өтті. Іс – шараға Шымкент қаласы, Абай ауданы әжелер алқасының төрайымы Хамитбекова Бибіфатима Сұлтанбекқызы, Қазығұрт шағын ауданының «Асыл әжелер тобы» (Жетекшісі: Бақбаева Гүлбараш, Музыкалық жетекшісі:  Сағындықов Бөгенбай, Жайынова Қарлығаш,  Бердіқожаева Сауле, Ешмуратова Зейнегүл, Дәрменова Райхан,  ОҚМПУ «Рухани Жаңғыру» бөлімінің басшысы  Анарбаев Қайрат, «Ағылшын тілі» кафедрасы меңгерушісі Сманова Ғ.І., Жекебаева Р.Д., Ибрагимова Т.А., Абдукаримова А.А., Дильдабекова А.К., Бейсенбаева Ж.А., Бексеитова А.Б., Абдуалиев Т.М., Джошуа Дуфо және  студенттер қатысты.  Тәлімгерлік сағат барысында студенттер халқымыздың қыз – бала тәрбиесіне қатысты дәстүрлерінен және қанатты сөздерінен мол мағлұматтар алды. Іс – шара барысында қонақтар сахналық қойылымдар мен әндер шырқады. Кездесу барысында аға ұрпақ өкілдері  бүгінгі қыз-бала тәрбиесіндегі олқылықтардың ұлттық тәрбиеден алшақтаудан және жастардың қоғам назарынан тыс қалуынан келіп жатқанын студенттерге түсіндірді. Сонымен бірге бүгінгі қоғамдағы қазақ қызының қандай болуы керектігі, қоғамдық ортада өзін қалай ұстауы туралы өз ойларымен бөлісті.

  

 

2018 жыл қараша айының 1 – күні Қазақстан Республикасының еңбек сіңірген жаттықтырушысы, қазақ  күресінен, самбодан, дзю-додан спорт шебері Азияның екі дүркін чемпионы, Қазақстанның бірнеше дүркін чемпионы, Рио- де-Жанейрода өткен параолимпиадаға қатысушы ‟Рухани жаңғыру” бағдарламасы бойынша республикадағы «100 жаңа есім» иегері Орынбасар Құралбаймен ОҚМПУ студенттер арасында кездесу өтті. Құралбай мырза Елбасымен арада болған  кездесу және алған әсерлері туралы зор мақтаныш сезімдерге толы естеліктер айтты. Кездесу барысында студенттер тарапынан қызықты сұрақтар қойылды. Қонақ студенттер рухын көтеріп, спортпен шұғылданып үлкен жетістіктерге жетуге шақырды. Кездесу кезінде студенттер жақсы әсер алды.

  

 

2018 жылдың 20 қазан күні Шымкент қаласындағы «Қайтпас 1» мөлтек ауданында орналасқан №53 жалпы орта  мектептің  50 жылдық мерей тойына орай мерекелік іс-шара өтті.

ОҚМПУ  «Рухани жаңғыру» орталығының басшысы, т.ғ.к. Анарбаев Қайрат Сапарханұлы арнайы баяндама жасады. Іс – шара барысында Қайтпас елді мекенінің тарихына қатысты «50 жаңа – Ел жаңа» кітабының таныстырылымы өтті. Аталған кітапта ғылыми сана мен өлкетану құндылығы жайлы.

     

 

2018 жылдың 8-9 қазан күндері Оңтүстік Қазақстан мемлекеттік педагогикалық университеті қабырғасында «Рухани жаңғыру» орталығының жұмыс жоспарына сәйкес  «Дене тәрбиесі» кафедрасы  «Ұлттық спорт – қазақ намысының қайнары»  атты  дәстүрлі ұлттық спорт түрлерін жаңғырту бойынша студенттер арасында тоғызқұмалақтан спорттық сайыс өткізді.

 Жарыстың мақсаты: ұлттық спортты насихаттау, жастардың ойынға деген қызығушылығын арттыру, салауатты өмір салтын насихаттау болып табылады. Жарыстың нәтижесінде төмендегі студенттер өздеріне тиесілі орындарын алды.

1-орын Дене шынықтыру және спорт мамандығының 1-курс студенті Тұрғынбекова Гүлден

2-орын Дене шынықтыру және спорт мамандығының 4-курс студенті Қалхозбек Нұрбол

3-орын Дене шынықтыру және спорт мамандығының 4-курс студенті Рысбеков Олжас ие болды.

  

 

2018 жылдың 26 қыркүйек күні Оңтүстік Қазақстан мемлекеттік педагогикалық университеті қабырғасында Түркістан облыстық «Рухани жаңғыру» жобалық кеңсесі мен ОҚМПУ «Рухани жаңғыру» орталығының бірлескен іс- шарасы өтті.

Іс-шарада Қазақстан қоғамының ұлттық идеологиясы үшін, соның ішінде жастар тәрбиесінде ерекше маңызға ие Елбасы Н.Ә.Назарбаевтың «Болашаққа бағдар: рухани жаңғыру» атты стратегиялық мақаласының мазмұны мен маңызы түсіндіріліп, осы бағытта бір жылдан аса уақыт жұмыс жасап келе жатқан өңірлік «Рухани жаңғыру» жобалық кеңсесінің атқарған жұмыстарымен жастарды таныстыру мақсатындағы «Ашық есік» онкүндігі ОҚМПУ-дан бастау алғаны жария етілді.

«Ашық есік» күніне университет студенттерімен бірге қаладағы ЖОО өкілдері мен студенттері де қатысты. Іс-шара барысында ЖОО жаңа келген студенттер, әсіресе шетелдік азаматтығы бар жастар бағдарламалық мақаланың мазмұны туралы кең, ауқымды мағлұматтар алды. «Ашық есік» күндерінің басталуында студенттер мен қонақтар ЖОО-да жаңадан ашылған «Рухани жаңғыру» алаңы және «100 жаңа оқулық» жобасы шеңберінде қазақ тіліне аударылған «жаңа оқулықтар» залымен танысып, облыстық «Рухани жаңғыру» жобалық кеңсесінің тарапынан атқарылған жұмыстар және өңірдегі Цифрлы Қазақстан бағдарламасына орай жүзеге асыру іс-шаралардың барысымен де танысты.

Іс-шараға қатысқан Түркістан облыстық «Рухани жаңғыру» жобалық кеңсесінің жетекшісі Б.Әшірбеков, «Қазақстан инженерлі-педагогикалық Халықтар Достығы» университетінің тәрбие істер жөніндегі проректоры  Б.Садықов, «Қазақстан инженерлі-педагогикалық Халықтар Достығы» университетінің «Қазақстан тарихы» кафедрасының меңгерушісі, т.ғ.к., доцент  Ш.Нартбаев, ОҚМПУ «Рухани жаңғыру» орталығының басшысы, т.ғ.к. Қ.Анарбаевтар тарапынан студенттерге мақала мазмұнын түсіндіру, «рухани жаңғыру» бағытында өңірде және ЖОО-да атқарылып жатқан жұмыстар туралы толыққанды мағлұматтар берілді. Іс-шара қорытындысында ОҚМПУ-да атқарылып жатқан жұмыстар тәжірибесін басқа ЖОО бөлісу және еліміздің ертеңі саналатын барлық ЖОО студенттерінің бірлескен іс-шараларға атсалысуы мен ғылыми жобаларға қатысуы керектігінің маңызына байланысты тоқтамдарға келді.

 

ОҚМПУ «Рухани жаңғыру» орталығы басшысы, т.ғ.к. Анарбаев Қ.С. қонақтарды «Рухани жаңғыру» алаңымен таныстыруда.   

«100 жаңа оқулық» залында студенттермен қазақ тіліне аударылған жаңа кітаптар туралы емен-жарқын әңгіме өрбіді.   

Түркістан облыстық «Рухани жаңғыру» жобалық кеңсе жетекшісі Б.А.Әшірбеков бағдарламалық мақала мазмұны мен өңірдегі атқарылған жұмыстар туралы мағлұматтар беруде.

ОҚМПУ «Рухани жаңғыру» орталығы басшысы, т.ғ.к. Анарбаев Қ.С.

 

Бүгінгі Қазақстан қоғамының ұлттық идеологиясы үшін, соның ішінде жастар тәрбиесінде ерекше маңызға ие Елбасы Н.Ә.Назарбаевтың «Болашаққа бағдар: рухани жаңғыру» атты стратегиялық мақаласынан туындайтын бағыттарды орындау мақсатында кезекті бір игілікті іс-шара 2018 жылдың 3 қыркүйек күні Оңтүстік Қазақстан мемлекеттік педагогикалық универсиеті қабырғасында өтті. Өңірде алғаш болып ЖОО жанынан жастарға арналған «Рухани жаңғыру» алаңы бой көтеріп, университеттегі «Білім күніне» арналған салтанатты жиынға келушілердің алдында тұсауы кесіліп, есігін айқара ашты.

Университет ұстаздарының өзіндік игілікті бастамасымен жүзеге асқан жоба елімізде, өңірімізде және ЖОО – да «Рухани жаңғыру» бағытында атқарылып жатқан жұмыстар туралы көрген кісіге мол мағлұматтар бере алады. Алаңның безендірілуі мен жарықтандырылуына ЖОО басшылығы үлкен қолдау жасады. Салтанатты жиын барысында болашақта да бұл игі бастамаға басшылық тарапынан қолдаулар өз жалғасын табатынын университет ректоры, ҚР ҰҒА корреспондент-мүшесі, п.ғ.д., профессор Оңалбай Аяшев айтып өтті. Қазіргі кезде алаң аумағында студенттер үшін 24 сағаттық интернет желісі жұмыс жасап, түнгі мезгілдерде толықтай жарықпен қамтылған. Жиынға қатысушылар тарапынан ашық аспан астында орналасқан алаңның жастардың «рухани жаңғыру» бағытындағы жұмыстарына таптырмас орын болатынына мол сенім білдірді. «Рухани жаңғыру» алаңының тұсаукесеріне Түркістан облысы ардагерлер кеңесінің төрағасы Ж.Мәуленқұлов, Халықаралық «Алаш» сыйлығының иегері, жазушы, қоғам қайраткері М.Байғұт, К.Симонов атындағы сыйлықтың иегері, жазушы Н.Бегалиев және т.б. ардагер ұстаздар, ЖОО профессор-оқытушылары және студенттер қауымы қатысты.

ОҚМПУ «Рухани жаңғыру» орталығы басшысы, т.ғ.к. Анарбаев Қ.С.