ОБЛЫСТЫҚ БІЛІМ БАСҚАРМАСЫМЕН КЕЛІСІМ МЕМОРАНДУМЫ ЖАСАЛДЫ
Өзбекәлі Жәнібеков атындағы ОҚПУ мектеп
бітіруші түлектерге кәсіби бағдар беру мақсатында Түркістан облыстық білім
басқармасымен ынтымақтастық меморандумын жасады. Жақында университет Басқарма
төрағасы-ректор міндетін атқарушы Әлібек Нұртаев пен облыстық басқарма
басшысының міндетін атқарушы Ғалымжан Орынов келісім құжатына қол қойды.
Ынтымақтастық келісімі тараптар арасында
кәсіби бағдар беру, педагогикалық білім беру бағдарламаларын насихаттау,
университет түлектерін жұмысқа орналастыру, сондай-ақ оқу-әдістемелік, ғылыми
және тәрбиелік бағыттағы бірлескен іс-шараларды үйлестіруді қамтамасыз етуге
бағытталған. Алдағы уақытта қос тарап Түркістан облысының мектеп, лицей,
гимназия және колледж түлектері үшін ЖОО-ның білім беру әлеуетін, педагогикалық
білім беру бағдарламаларының артықшылықтарын, заманауи мүмкіндіктерін және
халықаралық байланыстарын жүйелі түрде таныстыруды бірлесе жүзеге асырады.
Келісім аясында сондай-ақ ҚР Ғылым және жоғары білім министрінің бұйрығына сәйкес мемлекеттік білім беру тапсырысы негізінде білім алған азаматтарды жұмысқа орналастыру және жұмыспен өтеу шаралары жүзеге аспақ. Меморандум кәсіби бағдар беру іс-шараларын офлайн және онлайн (Zoom, Cisco Webex, Google Meet) форматтарында өткізуге, түлектерді жұмыспен қамту мақсатында «Бос орындар жәрмеңкесін» бірлесе ұйымдастыруға бағытталған.


Осыған ұқсас
ҚОРЖЫНДА — ҚОС БАС ЖҮЛДЕ!
«ЖӘНІБЕКОВ МҰРАСЫ ЖӘНЕ ҰЛТ ТӘРБИЕСІ» АРУЛАР БАЙҚАУЫ ӨТТІ
САМАРҚАНД МЕМЛЕКЕТТІК ИНСТИТУТЫНЫҢ ОҚЫТУШЫЛАРЫ ДӘРІС ОҚИДЫ
«ҚАЗАҚТЫҢ ДОСТАРЫ МЕН ҚАСТАРЫ» КІТАБЫНЫҢ ТҰСАУКЕСЕРІ ӨТТІ
«ӨЗБЕКӘЛІ ЖӘНІБЕКОВ ҚҰБЫЛЫСЫ: ТҰЛҒА ТАҒЫЛЫМЫ ЖӘНЕ ПЕДАГОГИКАЛЫҚ ҚҰНДЫЛЫҚТАР» АТТЫ ХАЛЫҚАРАЛЫҚ ҒЫЛЫМИ-ТЕОРИЯЛЫҚ КОНФЕРЕНЦИЯ ӨТТІ
Өзбекәлі Жәнібеков атындағы Оңтүстік Қазақстан педагогикалық университетінің студенттері арасында «Наурыз» мерекесіне арналған ұлттық спорт түрлерінен өтетін жарыстың ережесі
G1 ГУМАНОИД РОБОТЫ ҰЛТТЫҚ КИІМ КҮНІМЕН ҚҰТТЫҚТАДЫ
«Өзбекәлі Жәнібеков атындағы Оңтүстік Қазақстан педагогикалық университеті» коммерциялық емес акционерлік қоғамының Басқарма төрағасы - Ректоры бос лауазымына конкурс
ХАЛЫҚАРАЛЫҚ ҒЫЛЫМИ ИНЖЕНЕРЛІК ЖОБАДА ЖҮЛДЕЛІ ОРЫН!