Жетпісбаева Гүлжан Оразбекқызы 1975 жылы қазіргі Түркістан облысы Келес ауданында дүниеге келген.

1991 жылы Шымкент педагогикалық институтына оқуға түсіп, 1995 жылы Қ.А.Яссауи атындағы ХҚТУ Шымкент бөлімін «Математика және ақпараттық есептеу» мамандығы бойынша бітіріп шықты.

1996 жылдан 2020 жылға дейін М.Әуезов атындағы Оңтүстік Қазақстан университетінде оқытушылық қызметін атқарған.

2000 жылдан бастап математиканы оқыту әдістемесі саласында еңбегі орасан, педагогика ғылымдарының докторы Д.Рахымбектің жетекшілігімен ізденушілік етті.

2007 жылы 13.00.02 – Оқыту және тәрбиелеу теориясы мен әдістемесі «Математика» шифры бойынша кандидаттық диссертациясын сәтті қорғап, педагогика ғылымдарының кандидаты атанды.

«Жоғары оқу орнының үздік оқытушысы – 2017» мемлекеттік грантының иегері, 2018 жылы Брюссель қаласында «Competence-based and student-oriented approach to teaching. Development of new competencies for professors» тақырыбында ғылыми тағылымдамадан өтті.

2021-2022 оқу жылынан бастап Оңтүстік Қазақстан мемлекеттік педагогикалық университетінің «Математика» кафедрасының меңгерушісі қызметін атқаруда, оқу-тәрбие жұмыстарына көп көңіл аударып, оқыту процестеріне қомақты үлес қосып жүрген, қолданыстағы заңнама және басым бағыттарды меңгерген жоғары білікті маман, сондай-ақ ағылшын тілі «Intermediate» деңгейінде.

Студенттерді ізгілікке баулып, қоғам үшін қажетті білім жүйесін жан-жақты жарасымды жетілдіруге ат салысып жүрген ғалым. Сонымен қатар, 60-тан астам ғылыми еңбектері жариялаған, оның ішінде 1 оқулықтың, 5 оқу құралының, 1 монографияның авторы.

Scopus базасындағы басылымда, ҚР Ғылым және жоғары білім министрлігінің Білім және ғылым саласындағы бақылау комитеті тізбесіне енгізілген басылымдарда мақалалары жарық көрген. Шет елдік конференцияларға, Қазақстан Республикасындағы конференциялар мен семинарларға үздіксіз қатысып және мақала жариялауда.

Мен, Бексейт Рамазан Нұрланұлы, 2004 жылы Түркістан облысы, Қазығұрт ауданы, Жігерген ауыл округінде дүниеге келдім. Қазіргі таңда Өзбекәлі Жәнібеков атындағы Оңтүстік Қазақстан педагогикалық университетінде «Математика мұғалімін даярлау» білім беру бағдарламасы бойынша білім алып жатырмын.

Оқу барысында пәндік білімімді тереңдетуге, педагогикалық құзыреттілігімді арттыруға және тәжірибелік дағдыларымды дамытуға ерекше көңіл бөлемін.

2023–2025 жылдары университет жанынан құрылған «Болашақ» пікірсайыс клубының президенті қызметін атқардым. Сонымен қатар белсенді студент ретінде түрлі қоғамдық жұмыстарға араласып, Университет Амбассадоры болдым.

Республикалық, қалалық және университетішілік пікірсайыс турнирлерінің жеңімпазы, жүлдегері әрі ұйымдастырушысы атандым. Сондай-ақ «Хабар» телеарнасындағы «Азамат» зияткерлік бағдарламасының қатысушысымын.

Алдағы уақытта білікті, заманауи талаптарға сай, өз ісіне жауапкершілікпен қарайтын математика пәні мұғалімі болуды мақсат етемін.

Мен, Орынбасар Аружан Сейтғалымқызы, 2005 жылы Шымкент қаласында дүниеге келдім. Қазіргі таңда Өзбекәлі Жәнібеков атындағы Оңтүстік Қазақстан педагогикалық университетінде «Математика мұғалімі» мамандығы бойынша білім алып жатырмын. Оқу барысында пәндік білімімді тереңдетуге және педагогикалық тәжірибемді дамытуға ерекше мән беремін.

Университеттегі би ансамблінің мүшесі ретінде түрлі мәдени, шығармашылық, қайырымдылық және мерекелік іс-шараларда тұрақты түрде өнер көрсетіп келемін. Осы уақыт ішінде университет тарапынан алғыс хаттармен марапатталдым.

Ансамбль құрамында «Шымкент жастар лигасы» жобасы аясында жоғары оқу орындары арасындағы фан-клуб спорттық би жарысында Бас жүлдені иелендік. Сонымен қатар Қазақстанның Халық әртісі, Мемлекеттік сыйлықтың иегері Шара Жиенқұлованың туғанына 110 жыл толуына орай ұйымдастырылған «Би падишасы» атты республикалық хореография байқауында Бас жүлде алдық. XY Ұлттық Дельфий ойындарының өңірлік кезеңінде жүлделі III орынға ие болдық.

Болашақта білікті әрі заманауи талаптарға сай математика пәні мұғалімі болуды мақсат етемін.

Равил Пернехан Ерболұлы 5 жасынан шахмат спорт түрімен айналыса бастады. 14 жылдық тәжірибеде Қазақстан Чемпионатының жүлдегері, Шымкент қаласының 7 дүркін чемпионы, Арабия елінде Дубай қаласында өткен 2000 рейтингге дейінгі әлем чемпионатының 3 орын иегері