Академиялық істер департаментінің жетекшілігімен білім алушыларға қаржылық сауаттылықты арттыруға арналған онлайн-курс әзірленді

12 Ақпан 2025, 19:37

Медиа Орталық

Өзбекәлі Жәнібеков атындағы ОҚПУ Академиялық істер департаментінің жетекшілігімен білім алушыларға қаржылық сауаттылықты арттыруға арналған онлайн-курс әзірленді.

Курсты «AMANAT» партиясының «Қарызсыз қоғам» жобасы аясында біліктілікті арттыру курсынан өткен «География» кафедрасының оқытушылары Гүлжан Исатаева мен Алтынай Тұрлыбекова дайындады.

«Қаржылық сауаттылық» онлайн-курсына қатысу арқылы университет білім алушылары жеке қаржылық сауаттылық, қаржылық қауіпсіздікті қамтамасыз ету бойынша сақтық шаралары, отбасылық бюджетті басқару, шығындарды бақылау, несиелік қарызды тиімді өтеу және қаржылық жоспарлау сияқты маңызды дағдыларды меңгерді.

Курс аяқталғаннан кейін қатысушыларға арнайы сертификаттар берілді. Бұл сертификаттар қаржылық сауаттылық бойынша білім алғандығын растайды және болашақта жеке қаржыны тиімді басқаруға көмектеседі. Қазіргі таңда 1-курстың барлығы 1966 білім алушысына сертификат табыс етілді. Курс барлық курс студенттеріне үйретіледі.