ҚЫТАЙ ТІЛІН ОҚЫТУ САПАСЫН АРТТЫРУ: ОРТАЛЫҚ АЗИЯНЫҢ ХАЛЫҚАРАЛЫҚ ЫНТЫМАҚТАСТЫҒЫ
Өзбекәлі Жәнібеков атындағы Оңтүстік Қазақстан педагогикалық университетінің Басқарма мүшесі - Академиялық мәселелер жөніндегі проректоры Айнаш Құдышева Қытайдың Сиань қаласындағы «Орталық Азияда қытай тілін оқытудың жоғары сапалы дамуын талқылау» халықаралық семинарына қатысты. Семинар Сиань шетел тілдері университетінде өтті.
Аталған іс-шара қытай тілін оқытудағы негізгі мәселелер мен мүмкіндіктерді талқылау, сапалы білім беруді дамыту жолдарын айқындау және халықаралық ынтымақтастықты нығайту мақсатында ұйымдастырылды.
Семинар барысында қатысушылар қытай тілін оқытудың жаңа әдістемелері, Орталық Азия университеттері арасындағы серіктестік механизмдері және болашақтағы стратегиялар туралы пікір алмасты. Шараға Қытай Халық Республикасының білім беру саласындағы сарапшылар, Орталық Азия университеттерінің өкілдері мен халықаралық ұйымдардың мүшелері қатысты.
Айнаш Амангелдіқызы семинарда «Implementing Chinese language in SKPU: challenges and expectations» тақырыбында баяндама жасап, Жәнібеков университетінің Қытайдың жоғары оқу орындарымен ынтымақтастығын, қос дипломдық бағдарламалар, академиялық алмасудың және ғылыми зерттеулердің маңыздылығын ерекше атап өтті.
Халықаралық семинар Орталық Азия мен Қытай арасындағы білім саласындағы байланыстың жаңа кезеңін айқындап, қытай тілін оқытудың сапасын арттыруға ықпал етеді.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ