Өзбекәлі Жәнібеков атындағы Оңтүстік Қазақстан педагогикалық университеті мектеп бағдарламасының күрделі тақырыптарын оқытуда әдістемелік көмек көрсетуге бағытталған 5 білім беру бағдарламасын әзірлеген болатын.
Жақында осы бағдарлама ҚР Оқу-ағарту министрлігінің Орта білім беру комитеті «Педагогтердің біліктілігін арттыру курстарының білім беру бағдарламаларын әзірлеу, келісу және бекіту қағидаларын бекіту туралы» Қазақстан Республикасы Білім және ғылым министрінің 2020 жылғы
4 мамырдағы № 175 бұйрығына сәйкес келеді деп танылып, бекітілді.
Бағдарлама қамтитын бес бағыт ағылшын тілі пәні мұғалімдерінің пәндік-кәсіби құзыреттіліктерін дамыту, биология пәні мұғалімінің білім беру процесін сапалы ұйымдастыруда кәсіби құзыреттілігін дамыту, география пәні мұғалімінің пәндік-кәсіби құзыреттілігін дамыту. Сондай-ақ, нәтижеге бағытталған білім беру жүйесінде заманауи әдіс-тәсілдерді қолдана отырып, математика пәні мұғалімдерінің кәсіби құзыреттіліктерін дамыту, химия пәні мұғалімінің кәсіби құзыреттілігін арттырудағы заманауи педагогикалық технологиялар мен әдіс-тәсілдер болып табылады. Курс бағдарламаларының авторлары — Гүлмира Есентөреева, Серікбек Шитыбаев, Маржан Егембергенова, Болат Атыбай, Қалбибі Тасқараева.