ЖАСТАР ЖАРҚЫРАЙДЫ!
ЖАСТАР ЖАРҚЫРАЙДЫ!
Өзбекәлі Жәнібеков атындағы Оңтүстік Қазақстан педагогикалық университетінің 3-курс студенттеріне арналған думанды кеш өтті.
«Алтын аралық — сенің жұлдызды сәтің» деп аталған кеш студенттердің шығармашылық және кәсіби қабілетін дамытуға арналды. Сондай-ақ, әр факультет арасындағы ынтымақтастықты арттыруға арналған салтанатты шара жастар арасындағы жарасымды достықты көксейді.
Думанды кешті университет Басқарма төрағасы-ректор міндетін атқарушы Гүлжан Сүгірбаева құттықтау сөзбен ашты.
— Университетімізде барлығы 8 000 астам студент болса, оның 2000 астамы үшінші курста оқиды. Сіздер әлемдік пандемия кезінде оқуға түскендіктен арнау кеші, тіпті, Білім күніне арналған салтанатты шара өткізілмеді. Осыны ескеріп, сіздер үшін арнайы думанды кеш ұйымдастыруды жөн көрдік. Күнделікті жұмыс барысында көптеген құжаттарға қол қоямын, оның ішінде студенттердің басқа оқу орнына ауысуы немесе шығып кетуі сияқты бұйрықтар да бар. Ал, сіздер, бізді таңдағандарыңызға рақмет! Болашақтарыңыз жарқын болсын! —деді Гүлжан Дәулетбекқызы.
Қаладағы «Арман» мейрамханасында өткен кеш ретро стильде ұйымдастырылды. Жастардың киіну үлгісі мен әсем музыка ырғағы өткен ғасырдың жетпісінші-сексенінші жылдарына оралтқандай. Концерттік бағдарламада әр факультет мамандықтың маңызына сай ролик дайындап, флешмоб болды. Еркін тақырыпта және музыкалық шығарма бойынша сайыс жеңімпаздары анықталып, бағалы сыйлықтармен марапатталды.
Ал, бұл жолғы жастар кешінің жұлдызды қонағы Әділет Жауғашар болды. Эстрада әншісімен қосыла ән айтқан студенттер суретке түсіп, жарықшамы аясындағы думанды сәт би кешіне ұласты.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ