СТУДЕНТТЕР ТӘЖІРИБЕДЕН ҚАЛАЙ ӨТУДЕ?

6 Қараша 2024, 16:45

Медиа Орталық

Өзбекәлі Жәнібеков атындағы ОҚПУ-да 3 курс студенттері педагогикалық практикадан теориялық оқумен қатар өтіп жатыр. Болашақ мұғалімдердің кәсіби педагогикалық құзыреттіліктерін қалыптастыру үшін практика жетекшілерінің бірлесіп жұмыс істеуі маңызды. Практикада шыңдалып жүрген студенттердің оқу-тәрбие процесін жобалау мен жүзеге асырылуын нәтижелі ұйымдастыру университет педагогтарының, педагог және психолог әдіскерлердің ынтымақтастығы арқасында қол жеткізіледі.

Бүгінгі «Педагогикалық ынтымақтастық - нәтижелі мұғалім даярлау» атты семинар-тренингте практика жетекшілері практика барысында туындайтын мәселелерді талқылады, қауіптерді алдын-алу бойынша түсіндірме жұмыстары жүргізілді.

Академиялық істер департаментінің директоры Дәулетбай Бердалиев университеттің академиялық саясатына сілтеме жасап, педагогикалық практика бойынша студенттердің критериалды бағалауына ерекше тоқталды. Іс-шара нәтижесінде университет профессор-оқытушылары практикада студенттердің орындайтын тапсырмаларын нақтылап, арнайы әдістемелік нұсқаулықты бірлесе құрастырды.

Семинар-тренингті «Talant» апгрейд орталығы ұйымдастырды.