Өзбекәлі Жәнібеков атындағы Оңтүстік Қазақстан педагогикалық университетінің студенттері «Назарбаев Зияткерлік мектептері» АҚ басқарма төрағасының орынбасары, «Ы.Алтынсарин» төсбелгісінің иегері, «Мәртебесі жоғары Ұстаз» байқауының жеңімпазы Сабыржан Садуақасов және Шымкент қаласындағы химия-биология бағытындағы НЗМ директоры Лаура Байтоқаевамен кездесті.
Басқосуда Сабыржан Садуақасов «Ұстаздық: 1, 2, 3, 4, 5, 6, 7 ... себеп», яғни «Сіз ұстаздықты не үшін таңдадыңыз?» тақырыбы бойынша коуч ретінде мотивациялық баяндама жасады. Оның соңы сұрақ-жауап форматындағы ашық диалогқа ауысты. Сондай-ақ спикерлердің ұстаздық жолындағы есте қалған оқиғалары сөз болды. Кездесу барысында басқарма төрағасы-ректор міндетін атқарушы Гүлжан Сүгірбаева да ұстаздық жолындағы қиын да қызықты оқиғаларымен бөлісті. Жүздесу білім алушылар үшін мәнді, терең мағыналы, тағлымдық сипатта өтті.