Сүйінші! ӨЗБЕКӘЛІ ЖӘНІБЕКОВ АТЫНДАҒЫ ОҚПУ ПРОФЕССОРЫ ҚҰЛБЕК ЕРГӨБЕК – МЕМЛЕКЕТТІК СЫЙЛЫҚТЫҢ ИЕГЕРІ

23 Қазан 2024, 12:00

Медиа Орталық

Өзбекәлі Жәнібеков атындағы Оңтүстік Қазақстан педагогикалық университетінің профессоры, филология ғылымдарының докторы,қазақ еліне, тіпті түрік дүниесіне кең танымал әдебиет сыншысы Құлбек Ергөбек — Қазақстан Республикасы Президентінің Қаулысымен 2024 жылғы Әдебиет пен өнер саласындағы Қазақстан Республикасы мемлекеттік сыйлығының лауреаты атанды.

Әдебиет пен өнер саласындағы мемлекеттік сыйлық әдебиет пен өнер қайраткерлерінің қоғам мен мемлекет алдындағы еңбегін жоғары бағалау болып саналады. Бұл сыйлық Қазақстан Республикасы азаматтарына отандық мәдениетті дамытуға қосылған қомақты үлес ретінде танылған аса үздік шығармалар үшін беріледі.

Мемлекеттік сыйлыққа сыншының «Адамның бір қызығы бала деген...» (2021 жылы) жарық көрген әдеби сын еңбегі ұсынылып, бәйгеден озып келді.

Мемлекеттік сыйлық иегері бүгінде Өзбекәлі Жәнібеков атындағы ОҚПУ филология факультетінің студенттеріне дәріс оқиды. Құлбек Сәрсенұлына алдағы уақытта да шығармашылық табыс, еліміздің дамуына қосқан ерен еңбегі мен мол үлесі үшін алғыс білдіреміз!