ӨЗБЕКӘЛІ ЖӘНІБЕКОВ АТЫНДАҒЫ ОҢТҮСТІК ҚАЗАҚСТАН ПЕДАГОГИКАЛЫҚ УНИВЕРСИТЕТІНДЕ «АКАДЕМИК ТӨЛЕГЕН ТӘЖІБАЕВ: ӨМІР ЖОЛЫ МЕН ҚОҒАМДЫҚ-САЯСИ ҚЫЗМЕТІ» АТТЫ РЕСПУБЛИКАЛЫҚ ҒЫЛЫМИ-ТӘЖІРИБЕЛІК КОНФЕРЕНЦИЯ ӨТТІ
11 Қазан 2024, 17:42
Медиа Орталық
Өзбекәлі Жәнібеков атындағы Оңтүстік Қазақстан педагогикалық университетінде «Академик Төлеген Тәжібаев: Өмір жолы мен қоғамдық-саяси қызметі» атты республикалық ғылыми-тәжірибелік конференция өтті.
Төлеген Тәжібаев — қазақтың тұңғыш психолог ғалымы, қоғам және мемлекет қайраткері, педагогика ғылымдарының докторы, профессор, Қазақ КСР-і Ғылым академиясының академигі. Атаулы шара Шымкенттегі Т. Тәжібаев пен Д.Қонаев көшелерінің қиылысында Төлеген Тәжібаевқа арналған ескерткіштің салтанатты ашылуымен басталды.
Университеттің «Қазақстан» мәжіліс залында өткен конференцияны Шымкент қаласы әкімінің орынбасары Сәрсен Құранбек құттықтау сөзбен ашты. Өзбекәлі Жәнібеков атындағы ОҚПУ Басқарма мүшесі—Стратегиялық даму және әлеуметтік істер жөніндегі проректор Баршагүл Исабек академиктің өмір жолы мен қызметі туралы мазмұнды әрі нақты таныстырылым жасады. Төлеген Тәжібаевтың мұраларын зерттеуге 40 жыл ғұмырын арнаған төл шәкірті, бүгінде 91 жастағы профессор Жолмұхан Түркпенов өткен күндер естелігінен сыр шертті. Ол қазақтың қайраткер ұлының білімі мен парасатына ғана емес, адамға қамқор үлкен жүрек иесі болғандығына ерекше тоқталды.
Бекет Тұрғараев, Алмасбек Мәуленов сияқты зерттеушілер «Ұлыларды ұлықтау —ұрпаққа парыз», «Төлеген Тәжібаевтың педагогикалық зерттеулеріндегі Абай тақырыбы» атты баяндамаларын көпшілік назарына ұсынды. Ал, №47 Т.Тәжібаев атындағы мектеп директоры Ақмарал Омарова мен Арыс қаласындағы Т.Тәжібаев атындағы отбасылық балалар ауылының директоры Меруерт Сүйіндікованың «Біздің үйдің жұлдызы» баяндамасы да конференция мұрағатына қосылған құнды еңбек болып қалмақ.
Жиында Төлеген Тәжібаевқа арналған кітап көрмесі ұсынылды. Сондай-ақ, филология ғылымдарының докторы, профессор Алмасбек Мәуленовтің «Академик Төлеген Тәжібаев» атты жинағының тұсауы кесіліп, оқырманға үлестірілді. «Төлеген Тәжібаев — қазақ психологиясы, саяси мемлекеттік жүйесі мен педагогикасындағы құбылыс. Сондықтан оны зерттеу аясы тек қана филологтардың шеңберінен асып түседі» дейді жиынға түйін қойған көзіқарақты қауым.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
20 Қараша 2026, 10:30
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
20 Қараша 2026, 09:36
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
19 Қараша 2026, 18:21
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
18 Қараша 2026, 17:26
РУХАНИ ҚАУІПСІЗДІК ЖӘНЕ САНАЛЫ ТАҢДАУ
18 Қараша 2026, 11:30
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
17 Қараша 2026, 17:29
БҰРЫМДЫ ҚЫЗ – ҰЛТ КӨРКІ
17 Қараша 2026, 16:25
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
16 Қараша 2026, 17:47
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ
16 Қараша 2026, 16:37
ҰЛТ ЖАНАШЫРЫ – ҰРПАҚ ЖАДЫНДА
16 Қараша 2026, 15:07