Өзбекәлі Жәнібеков атындағы Оңтүстік Қазақстан педагогикалық университеті мен Сәрсен Аманжолов атындағы Шығыс Қазақстан университеті арасында өзара ынтымақтастық меморандумына қол қойылды.
Университет басшылары Гүлжан Сүгірбаева мен Мұхтар Төлеген жауапты мамандармен бірлесіп ортақ келісім аясында атқарылатын жұмыстарды нақтылады. Меморандумның мақсаты білім беру саласындағы ынтымақтастықты дамыту және тараптар арасындағы өзара түсіністікке жәрдем болып табылады.
Өзара келісім аясында қос тарап конференцияларға, семинарларға, вебинарларға, симпозиумдарға, қысқа мерзімді оқу бағдарламаларына және академиялық кездесулерге қатысуды бірлесіп жүзеге асырады. Сондай-ақ, қызметкерлердің біліктілігін арттырып, ақпарат және тәжірибе алмасып, бірлескен оқыту әдістерін дайындайды.
Келісім барысында Мұхтар Әділбекұлы университетті аралап, атқарылып жатқан жұмыстармен танысты, әріптестермен пікір алмасты.