ТҮРКИЯДА ТАҒЫЛЫМДАМАДАН ӨТТІ
Өзбекәлі Жәнібеков атындағы ОҚПУ биология кафедрасының аға оқытушысы, PhD доктор Қарлығаш Қоразбекова Түркия астанасы Анкара қаласындағы Гази университетінде ғылыми тағылымдамадан өтті.
Болашақ халықаралық бағдарламасының «500 ғалым» санаты бойынша біліктілігін арттырған ол білім берудегі зерттеулер бағыты бойынша білім беру бағдарламаларын әзірлеу, оның дизайны және балама тәсілдеріне арналған «Program geliştirme uyglamalari/ Curriculum Development Practices» және оқытудың әртүрлі тәсілдеріне, оқыту стратегиялары мен әдістеріне сәйкес оқыту іс-әрекетін жоспарлау және жүзеге асыру дағдыларын қалыптастыратын «Öğretimde Etkinlik Planlama/ Activity Planning in Teaching» дәрістеріне қатысып, практикалық жұмыстармен айналысты. Сонымен қатар, биологияны оқытудағы мәліметтерді жинау және бағалау әдістері бойынша өзекті ақпараттар жинақтап, биологияны оқытудағы микро оқыту үдерісі бойынша тәжірибе алмасты. Зерттеу жобаларын әзірлеу, оны бағалау және TÜBİTAK жобаларының ерекшелігі, өтінім беру процесі бойынша құнды кеңестер алды.
Түркияның Абант қаласында өткен ІІІ Халықаралық Заманауи ғылыми зерттеулер конференциясында «Importance of biological problem solving in improving students’ cognitive skills» тақырыбында баяндама жасап, зерттеу жұмыстарының нәтижелерімен бөлісті. Гази университетінде Жас зерттеушілер халықаралық конгресінде «STEM-технологияны биологияны оқытуда қолдану тиімділігі» тақырыбында баяндама жасады. «Білім беру сапасын арттырудағы мұғалімдердің өзіндік білім алуының ролі» тақырыбындағы бағдарлама аясында Ұлттық кітапханада, Гази университетінің бас кітапханасында әдебиеттермен жұмыс жасап, деректерді талдау мақсатында MAXQDA бағдарламалық жасақтамасын пайдалану бойынша семинарға қатысты.
Ғылыми тағылымдама жетекшісі, Гази университетінің профессоры, доктор Южел Гелишли мырза білім берудегі зерттеулерде статистикалық талдауды SPSS жүргізу бойынша жеке кеңестер берді. Сондай-ақ, стипендиат Scopus және Web of Science (Clarivate) базаларында халықаралық рецензияланған журналдарды іздеу, олармен жұмыс жасау бойынша тәжірибесін шыңдады. Ғалым бағдарлама барысында жинақталған жаңа білімдері мен зерттеу жұмыстарының нәтижелерін білім беру процесінде ұтымды пайдалана отырып, университеттің білім әлеуетін жоғарылатуға өз үлесін қосуды көздейді.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ