ПИЛОТТЫҚ БАҒДАРЛАМАНЫҢ АЛҒАШҚЫ ТҮЛЕКТЕРІНЕ СЕРТИФИКАТТАР ТАБЫСТАЛДЫ
Жоғары білім беру жүйесінде жаңашыл
бағыттарды енгізу – уақыт талабы. Осы мақсатта жүзеге асырылған AP19677375
«Орта білім беруді цифрландыру жағдайында болашақ жаратылыстану пәндер
мұғалімдерінің STEM-құзыреттерін қалыптастыру» атты гранттық жоба аясында білім
беру бағдарламасына енгізілген STEM Minor бағдарламасы өз нәтижесін бере
бастады.
Жоба шеңберінде пилоттық режимде білім
алған алғашқы студенттер тобы «STEM-білім берудегі инжиниринг негіздері» пәнін
сәтті аяқтап, ресми түрде сертификаттарға ие болды. Салтанатты шараны Басқарма
мүшесі-Академиялық мәселелер жөніндегі проректор Айнаш Құдышева ашып,
студенттерді шын жүректен құттықтады.
Айнаш Амангелдіқызы өз сөзінде
STEM-білім берудің қазіргі білім жүйесіндегі маңызын атап өтіп, болашақта орта
білім берудің оқу бағдарламасына STEM-бағытындағы өзгерістер енгізілетінін
жеткізді. Оның айтуынша, бұл жаңалық болашақ мұғалімдердің ғылыми-техникалық
әлеуетін арттырып қана қоймай, мектептегі оқу сапасын да жаңа деңгейге
көтермек.
Жоба жетекшісі Хадиша Әбдірахманова,
жоба мүшелері – Бибігүл Шағраева және Э.Жаппарбергенова студенттердің жоба аясындағы
белсенділігі мен креативті ойлау қабілетін атап өтті. Шара барысында оқытушылар
мен студенттер пікір алмасып, ұсыныстарын ортаға салды. Пилоттық жобаның
нәтижесі – тек студенттер жетістігі емес, сонымен қатар отандық білім беру
жүйесін дамытуға бағытталған маңызды қадам.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ