БОЛАШАҚ МҰҒАЛІМДЕР STEM-ті ЖОБА АРҚЫЛЫ МЕҢГЕРУДЕ
Zhanibekov University-де «Орта білім беруді цифрландыру жағдайында болашақ жаратылыстану пәндер мұғалімдерінің STEM-құзыреттерін қалыптастыру» гранттық жобасы аясында маңызды білім қадамы жүзеге асты. Жоба жетекшісі — химия ғылымдарының кандидаты Хадиша Әбдірахманова.
Аталған жоба негізінде білім беру бағдарламасына енгізілген Minor бағыты шеңберінде химия және биология, биология мұғалімі, ғылыми биология және шет тілі мұғалімі мамандықтарының 3-курс студенттері «STEM-білім берудегі инжиниринг негіздері» атты 5 кредиттік пәнді сәтті аяқтады. Курстың қорытынды кезеңінде студенттер өз жобаларын қорғап, теориялық білімдерін тәжірибе арқылы дәлелдеді.
Қорғауға ұсынылған жобалар әртүрлі тақырыптарды қамтыды және болашақ мұғалімдердің инженерлік, ғылыми-танымдық және шығармашылық қабілеттерін айқын көрсетті. Атап айтқанда, келесі жобалар ұсынылды:
1. Гидропоника – топырақсыз өсімдіктерді өсіру жүйесі.
2. Мидың құрылысы – адам миының құрылымын таныстыратын көрнекі құрал.
3. Анатомиялық пазл – анатомияны үйретуде тиімді пайдалануға болатын жинақ.
4. Жасуша ядросының құрылысы – жасуша ішкі құрылымын үлкейтілген модель арқылы көрсету.
5. Өкпеге улы газдардың әсері – экологиялық қауіптің ағзаға әсерін зерттеу.
6. Қанайналым жүйесінің 3D моделі – биология сабақтарында қолдануға арналған визуалды құрал.
7. Абай мұрасы – STEM жолында – ұлы ақын шығармашылығын STEM-біліммен сабақтастыру.
Бұл жобалар студенттердің тек пәндік білімін ғана емес, сонымен қатар заманауи білім беру талаптарына бейімділігін де көрсетеді. STEM бағытындағы осындай бастамалар болашақ мұғалімдерді шығармашыл, жан-жақты тұлға ретінде қалыптастыруға сеп болады.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ