ҚЫТАЙДЫҢ СИЯНЬ ШЕТТІЛДЕР УНИВЕРСИТЕТІНІҢ ПРОФЕССОРЫН ҚАБЫЛДАДЫ

9 Қыркүйек 2025, 11:49

Медиа Орталық

Университетте Сиянь Шеттілдер университетінің (Xi’an International Studies University) профессоры, PhD Хоу Джианбомен ресми кездесу өтті. Ғалымды Басқарма төрағасы-Ректордың м.а. Әлібек Нұртаев қабылдап, университет білім алушылары мен жас ғалымдарына көрсететін қолдауы үшін алғыс айтты.

Шетелдік ғалым «Ағылшын тілі» мен «Шетел тілдері және аударма ісі» кафедраларында дәріс оқып, семинарлар өткізеді. Сонымен қатар, білім алушылар мен жас ғалымдарға зерттеу дағдыларын дамыту, академиялық хат және ғылыми зерттеу жұмыстарын жазу және халықаралық жобаларға қатысу туралы кеңес береді.

Шетелдік ғалымның тәжірибесі Жәнібеков университетінің жоғары білім беру және ғылыми зерттеу әлеуетін арттыруға оң үлес қосады деп күтілуде.