«ОТБАСЫЛЫҚ ҚҰНДЫЛЫҚТАР» АТТЫ КЕЗДЕСУ-СЕМИНАРЫ ӨТТІ
22 Қыркүйек 2025, 15:24
Медиа Орталық
ZHANIBEKOV UNIVERSITY-де жастар арасында отбасылық құндылықтарын нығайту, ажырасудың алдын алу бойынша кездесу-семинары өтті.
Іс-шараға университет студенттері мен оқытушылары қатысып, отбасы институтының маңыздылығы туралы пікір алмасты. Шымкент қалалық жастар кеңесінің мүшесі, «Кітап оқитын ұлт» жобасының кеңсе жетекшісі Ақан Бесбаев жастарға қарым-қатынастағы сенім мен түсіністіктің рөлі туралы айта келіп, аталмыш жоба туралы түсіндірді.
— Отбасы құндылығы — бұл отбасы мүшелерінің арасындағы сенім, махаббат, құрмет, жауапкершілік пен қолдау. Отбасы құндылықтары қоғамның негізі болып табылады, — дей келе: — Жоба халық арасында оқуға деген қызығушылықты арттыру, оқу мәдениетін қалыптастыру және жастар арасында сауатты әрі білімді ұрпақ тәрбиелеу арқылы ұлттық және отбасы құндылықтарын сақтауға арналады. Жобаға мектеп оқушылары, студенттер, педагогтар, ата-аналар, мемлекеттік қызметкерлер қатыса алады, —деген Ақан Сәбитұлы жобаның шарттарымен, байқаудың жүлде қоры мен қатысу ережелерімен таныстырды.
Өзбекәлі Жәнібеков атындағы ОҚПУ психологиялық қолдау орталығының басшысы Гүлнар Айтжанова қатысушыларға психологиялық қолдау көрсету және отбасы қарым-қатынастарындағы қиындықтарды жеңудің жолдары туралы кеңес берді. «Тәрбие — талбесіктен» демекші, біздің барлық іс-әрекетіміз бен ішкі мәдениетіміз отбасыда қалыптасады. Бүгінде университетте жастарға қолдау көрсету мақсатында 5 психолог маман жұмыс істейді, өздеріңізді толғандырған сауалдар мен мәселелер бойынша сіздерге көмек көрсетуге дайынбыз» деді Гүлнар Тұрмаханқызы.
Жиынды Тәрбие жұмысы және жастар саясаты департаментінің директоры Қайрат Анарбаев қорытындылап, студенттерге тыңдау мәдениеті, қоршаған ортада өзін ұстау, ұлттық құндылықтар мен үлкенді сыйлау қағидаттары туралы түсіндіру жұмыстарын жүргізді. Семинарды Шымкент қаласының Ішкі саясат және жастар істері жөніндегі басқармасы ұйымдастырды.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
20 Қараша 2026, 10:30
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
20 Қараша 2026, 09:36
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
19 Қараша 2026, 18:21
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
18 Қараша 2026, 17:26
РУХАНИ ҚАУІПСІЗДІК ЖӘНЕ САНАЛЫ ТАҢДАУ
18 Қараша 2026, 11:30
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
17 Қараша 2026, 17:29
БҰРЫМДЫ ҚЫЗ – ҰЛТ КӨРКІ
17 Қараша 2026, 16:25
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
16 Қараша 2026, 17:47
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ
16 Қараша 2026, 16:37
ҰЛТ ЖАНАШЫРЫ – ҰРПАҚ ЖАДЫНДА
16 Қараша 2026, 15:07