Zhanibekov University-де көктемгі емтихан сессиясы басталды. Оқытылатын пәндердің ерекшеліктеріне қарай студенттер емтиханды жазбаша, тестілеу, ауызша, шығармашылық, кешенді емтихан, жоба түрінде тапсыруда. Емтихан кестелерінің бекітілген нұсқалары «Платонус» жүйесінің «Хабарландырулар» бөліміне алдын ала енгізілді.
Емтихан сессиясының талапқа сай өтуін қадағалау үшін Интернационалдандыру және халықаралық байланыстар жөніндегі проректор Н.Хангелді бақылауымен мониторингтік топ жұмыс істеуде. Емтихан нәтижесі бойынша апелляциялық өтініштер Тіркеу офисі арқылы қабылданып, академиялық істер жөніндегі проректор Айнаш Құдышеваның визасымен пән арнайы комиссияға ұсынылады. Аталған комиссия шешімі хаттамаланып, студентке электронды түрде ұсынылады.
Тестілеу емтихандары арнайы жабдықталған компьютерлік дәрісханаларда ұйымдастырылады. Емтиханның өзге түрлері пән оқытушылар тарапынан қабылданады.