КҮЗГІ ШАБЫТ — 2025

3 Қараша 2025, 10:12

Медиа Орталық

Zhanibekov University-де «КҮЗГІ ШАБЫТ – 2025» атты мерекелік-шығармашылық іс-шара өтті. Шараны Тарих және педагогика факультетінің Бастауышта оқыту әдістемесі кафедрасы ұйымдастырды.

Іс-шараның мақсаты – студенттердің шығармашылық қабілеттерін, эстетикалық талғамын арттыруға арналды. Күзгі өнер подиумында табиғи матадан жасалған сән үлгілері көрсетілсе, қолөнер көрмесінде студенттердің шығармашылық ізденісін паш еткен туындылар назарға ұсынылды. Ал интеллектуалдық кезеңде білім мен тапқырлық тоғысты.

Күздің көркем келбетін бейнелеген бұл іс-шара студенттерге ерекше көңіл күй мен шабыт сыйлады. Бастауышта оқыту әдістемесі кафедрасы алдағы уақытта да студенттердің рухани, мәдени және кәсіби дамуына бағытталған мазмұнды шараларды жалғастыра бермек.