ҚЫСҚЫ ЕМТИХАН СЕССИЯСЫ ЖАЛҒАСУДА

19 Желтоқсан 2025, 12:33

Медиа Орталық

Өзбекәлі Жәнібеков атындағы ОҚПУ-да академиялық күнтізбеге сай, қысқы емтихан сессиясы жалғасуда. Жоспарға сай емтихан кезеңі 15-26 желтоқсан аралығына, ал FX бағаны қайта тапсыру 29-30 желтоқсан аралығына белгіленген.

Емтихан сессиясының бекітілген кестесі «Платонус» жүйесіне 1-желтоқсанда енгізіліп, білім алушылардың назарына ұсынылды.

— Ауызша, жазбаша, тестілеу, шығармашылық және жоба түріндегі емтихандар күн сайын 4 ғимаратта қабылдануда. Емтихандардың талапқа сай өтуі университет мониторингтік тобы, комплаенс-офицер және Тіркеу офисі тарапынан қадағалануда. Бүгінге дейін 816 емтихан өтіп, жазбаша және тестілеу емтихандары бойынша 7 апелляциялық өтініш тіркелді, — дейді Тіркеу офисінің басшысы, филология ғылымдарының кандидаты Қайрат Мамаев.