«МЕКТЕПТЕРДІ САРАЛАНҒАН ҚОЛДАУ» БАҒЫТЫ АЯСЫНДА ІСКЕРЛІК КЕЗДЕСУ ӨТТІ
Өзбекәлі Жәнібеков атындағы ОҚПУ-де «Өрлеу» біліктілікті арттыру ұлттық орталығы» АҚ «Шымкент қаласы бойынша кәсіби даму институты» филиалының басшылығымен іскерлік кездесу өтті. Кездесуге университет Басқарма төрағасы-ректор міндетін атқарушы Әлібек Нұртаев, Басқарма мүшесі-академиялық мәселелер жөніндегі проректор Жанбол Жылбаев, Стратегиялық даму және әлеуметтік істер жөніндегі проректор Баршагүл Исабек, сондай-ақ «Өрлеу» ҰБАО» АҚ филиалының директоры Меруерт Медетбекова мен директордың орынбасары А. Фазлаева қатысты.
Іскерлік кездесу 2025–2029 жылдарға арналған «Өрлеу» ҰБАО» АҚ Даму стратегиясын іске асыру жоспарының «Мектептерді сараланған қолдау» стратегиялық бағыты аясында ұйымдастырылды. Негізгі мақсат – педагогикалық жоғары оқу орындары түлектерінің кәсіби даярлығын бағалауға бағытталған кешенді іс-шараларды жүзеге асыру. Аталған бастама «Келешек мектептері» жобасы үшін кадрлық әлеуетті қалыптастыруға, жоғары оқу орнындағы даярлық пен мектептегі кәсіби дамудың сабақтастығын қамтамасыз етуге бағытталған.
Сонымен қатар кездесу барысында «Адал азамат» біртұтас тәрбие бағдарламасы аясында «Ағартушы педагог» моделін іске асыру мәселелері талқыланды. 2025 жылдың сәуір–маусым айларында университет түлектерінің кәсіби даярлығын бағалау бойынша пилоттық кезең іске асырылды. Кездесу аясында жас педагогтер мен зерттеушілердің әлеуетін арттыруға бағытталған ғылыми гранттық жобаларға қатысу, сондай-ақ университет пен «Өрлеу» институты арасындағы ғылыми-зерттеу және ғылыми-тәжірибелік ынтымақтастықты кеңейту мәселелері де қарастырылды.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ