«КҮМІС УНИВЕРСИТЕТ» ЖОБАСЫ ТЫҢДАУШЫЛАРЫНА СЕРТИФИКАТ ТАБЫСТАЛДЫ
Өзбекәлі Жәнібеков атындағы Оңтүстік Қазақстан педагогикалық университетінде «Күміс университет» жобасы аясында білім алған тыңдаушыларға арналған салтанатты сертификат табыстау рәсімі өтті. Аталған шараға университет басшылығы, профессор-оқытушылар құрамы, тыңдаушылар және қонақтар қатысты. Салтанатты жиында университеттің Басқарма төрағасы – ректор м.а. Әлібек Нұртаев сөз сөйлеп, жоба тыңдаушыларына жылы лебізін білдіріп, олардың білімге деген ұмтылысын ерекше атап өтті.
«Күміс университет» – зейнеткерлік жастағы азаматтарға арналған өмір бойы білім алу қағидатын жүзеге асыратын маңызды жоба. Бүгінде жоба университетте 14 бағыт бойынша жүргізіліп, тыңдаушылар өз қызығушылықтарына сай бірнеше курсқа қатар қатысу мүмкіндігіне ие.
2025–2026 оқу жылында «Компьютерлік және цифрлық сауаттылық» курсын – 30 тыңдаушы, «Өлке тарихының экскурсоводы» курсын – 15 тыңдаушы сәтті аяқтап, тиісті сертификаттарға ие болды. Салтанатты рәсім барысында тыңдаушыларға сертификаттар табысталып, естелік фотосуреттер түсірілді. Іс-шара барысында қатысушылар өз әсерлерімен бөлісіп, ұйымдастырушыларға алғыс білдірді. Аталған жоба аға буын өкілдерінің белсенді өмір салтын ұстануына, жаңа білім мен дағдыларды меңгеруіне және қоғам өміріне белсене араласуына мүмкіндік беруде.

Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ