ӘСКЕРИ КАФЕДРА ТҮЛЕКТЕРІНІҢ АНТ ҚАБЫЛДАУ РӘСІМІ ӨТТІ
Бүгін Өзбекәлі Жәнібеков атындағы ОҚПУ-да әскери кафедра түлектерінің әскери ант қабылдау рәсімі өтті. Университет алаңында өткен салтанатты жиында әскери кафедра қызметкерлері мен студенттер салтанатты киім мен далалық формада қос қатар сап түзеді. Кафедра басшысы жауынгерлік Туды оркестрдің музыкалық сүйемелдеуімен ортаға алып шығып, бұйрық беріп, Басқарма төрағасы-ректор м.а Әлібек Нұртаевқа салтанатты іс-шараны өткізуге дайындық барысы туралы баяндады. Бұдан кейін ҚР Әнұраны орындалды.
Салтанатты жиында Басқарма төрағасы-ректор м.а Әлібек Нұртаев құттықтау сөз сөйледі. Әлібек Нұрбайұлы өз сөзінде бүгінде еліміз тыныштық пен бейбітшіліктің арқасында тұрақты дамып келе жатқандығын, ҚР Конституция талаптарын сақтау мен әскери анттың маңыздылығын атап өтті. Бұдан кейін кафедра басшысының бұйрығымен жеке құрам әскери ант қабылдау рәсімін өткізді. 2026 жылы университет жанындағы әскери кафедраны барлығы 939 түлек бітірді.
Саптық алаңнан Ту шығарылғаннан кейін жеке құрам трибуна алдынан салтанатты маршпен өтті. Түлектердің ата-аналары құттықтау сөз сөйлеп, үлкен өмірге жолдама берген оқу орнына ризалықтарын білдірді. Ант қабылдаушылар мен қонақтарға өнерпаздардың концерттік бағдарламасы ұсынылып, естелікке суретке түсті.



Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ