ЖАҢА ОҚУ ЖЫЛЫНА АРНАЛҒАН ЖҰМЫС ЖОСПАРЫ ТАЛҚЫЛАНДЫ
Университет Басқарма мүшесі – Стратегиялық даму және әлеуметтік істер жөніндегі проректор Баршагүл Исабек тиісті департамент, құрылымдар мен бөлім, орталық басшыларымен, сондай-ақ «Мұра» ХШО мамандарымен кездесу өткізді.
Кездесу барысында жаңа оқу жылына арналған жұмыс жоспарлары талқыланып, алдағы кезеңдегі негізгі міндеттер мен басым бағыттар айқындалды. Құрылымдық бөлімдердің атқаратын жұмыстары сараланып, білім алушыларға қолайлы әлеуметтік-академиялық орта қалыптастыру, университеттің стратегиялық даму бағыттарын жүзеге асыру және белгіленген жоспарлардың сапалы орындалуын қамтамасыз ету мәселелеріне назар аударылды.
— Жаңа оқу жылы – алдымызға жаңа міндеттер қоятын маңызды кезең. Әр құрылым өзіне жүктелген міндеттерді сапалы әрі уақытылы орындауға басымдық беруі қажет. Жұмысты жоспарлау барысында университеттің стратегиялық мақсаттары мен білім алушылардың мүддесі басты назарда болуы тиіс. Алдағы уақытта әрбір бастама нақты нәтижеге бағытталып, жаңа оқу жылын жоғары деңгейде ұйымдастыруға үлес қосуы керек», – деді Баршагүл Қашқынқызы.
Жиын барысында жауапты құрылым басшыларына нақты тапсырмалар беріліп, жаңа оқу жылында атқарылатын жұмыстардың тиімділігін арттыруға бағытталған бірқатар міндеттер белгіленді. Сонымен қатар, бөлімдер арасындағы өзара байланысты күшейту, жоспарланған жұмыстарды жүйелі түрде жүзеге асыру және қойылған міндеттердің орындалуын тұрақты бақылауда ұстау қажеттігі атап өтілді.
Кездесу қорытындысында жаңа оқу жылындағы жұмыстарды уақтылы әрі сапалы ұйымдастыру, университеттің даму мақсаттарына сәйкес нақты нәтижелерге қол жеткізу бойынша тиісті тапсырмалар берілді.


Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ