20 ЖАС ҒАЛЫМ РЕКТОР ГРАНТЫНЫҢ ИЕГЕРІ АТАНДЫ
Биыл 2026–2027 оқу жылына докторантураның білім беру бағдарламаларына қабылдау емтихандарының нәтижелері бойынша 20 жас ғалым Ректор грантының иегері атанды. Ректор гранты – ғылыми ізденіске ұмтылған, жоғары дайындық деңгейін көрсеткен және ғылым жолында өзін дамытуға ниетті жас зерттеушілерді қолдауға бағытталған маңызды бастамалардың бірі.
Грант иегерлерімен Басқарма төрағасы – Ректор Қайрат Балабиев арнайы кездесіп, жас ғалымдарды айтулы жетістіктерімен құттықтады. Кездесу барысында докторанттардың ғылыми-зерттеу бағыттары, алдағы мақсаттары мен университеттің жас ғалымдарды қолдауға бағытталған мүмкіндіктері сөз болды.
— Бұл грант – сіздердің білімдеріңіз бен ғылыми ізденістеріңізге көрсетілген қолдау ғана емес, сонымен қатар болашақта отандық ғылым мен білімнің дамуына елеулі үлес қосады деген зор сенімнің белгісі, — деді Ректор.
Жаңа оқу жылында университет басшылығы жас ғалымдардың ғылыми әлеуетін арттыруға, жаңа идеялары мен бастамаларын қолдауға және сапалы зерттеу жүргізуіне қолайлы академиялық орта қалыптастыруға басымдық беруде. Ректор грантының иегерлері алдағы уақытта өздерінің ғылыми зерттеулерін жалғастырып, өзекті мәселелерді зерделеуге, сапалы ғылыми еңбектер жариялауға және зерттеу нәтижелерін отандық әрі халықаралық ғылыми ортада танытуға мүмкіндік алмақ. Кездесуде сондай-ақ, Ғылыми жұмыстар және инновациялар жөніндегі проректор Ержан Керімбеков докторантурада оқудың талаптары мен ережелерімен таныстырды.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ