«BACK TO STUDY: SAFE & READY» COMMUNITY EVENT ӨТТІ
Ө. Жәнібеков атындағы ОҚПУ-да жастардың жаңа оқу жылын қауіпсіз әрі жайлы бастауына бағытталған «Back to Study: Safe & Ready» community event өтті. Іс-шараны UNICEF Kazakhstan-ның Оңтүстік хабы ұйымдастырып, университет, Қазақстан Республикасының Жасанды интеллект және цифрлық даму министрлігі және Шымкент қаласы Полиция департаменті серіктес болды. Кездесуге 130-ға жуық адам, оның ішінде 90 студент, UNICEF өкілдері мен волонтерлер қатысты.
Community event-тің ашылуында университет Басқарма мүшесі, Стратегиялық даму және әлеуметтік істер жөніндегі проректор Баршагүл Исабек сөз сөйлеп, UNICEF атынан Данара Саранoваның онлайн құттықтауы ұсынылды. Бағдарлама аясында психологиялық орталықтың басшысы Айтжанова Гүлнар «Буллинг және кибербуллинг: үнсіз қалма!» тақырыбында презентация жасап, оқу жылының басындағы стресс пен алаңдаушылықты басқару, жаңа ортаға бейімделу, эмоционалдық күйзелістің алдын алу және қиын жағдайда қолдау сұрау жолдары туралы практикалық кеңестер берді.
Кездесудің маңызды бөлігінің бірі – киберқауіпсіздік және цифрлық гигиена тақырыбына арналды. Шымкент қаласы Полиция департаментінің Киберқылмысқа қарсы іс-қимыл басқармасының жедел уәкілдері, полиция капитандары Бахытжан Бекбаев пен Ердаулет Ералиев жасөспірімдердің интернеттегі қауіпсіздігі туралы ақпарат берді. Мамандар кибералаяқтық, фишинг, аккаунттарды бұзу, жалған аккаунттар, қауіпті сілтемелер, күмәнді кодтар мен жеке мәліметтерді бөгде адамдарға берудің салдары туралы айтып, киберқылмысқа тап болған жағдайда не істеу керектігін түсіндірді.
Іс-шара соңында «Safe & Ready» ашық диалогы ұйымдастырылып, қатысушылар сарапшыларға өздерін қызықтырған сұрақтарын қойды. Жасөспірімдер мен жастарға еркін пікір білдіруге мүмкіндік беру мақсатында анонимді сұрақтар да қабылданды. «Back to Study: Safe & Ready» іс-шарасы жастардың қауіпсіз мінез-құлық дағдыларын қалыптастыруға, психологиялық күйін қолдауға және цифрлық ортада саналы әрі жауапты әрекет етуіне бағытталған мазмұнды кездесу болды.



Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ