Чехияның Оломоуц қаласының Палацк университетінан академиялық ұтқырлық бағдарламасымен оқуға келген студенттерге Қазақстан туралы алғашқы танымдық дәріс оқылды.

Дәрісті университет Басқарма мүшесі-Стратегиялық даму және әлеуметтік істер жөніндегі проректор Баршагүл Исабек өткізді. Шетелдік студенттерге танымдық сабақта қазақ тарихындағы белгілі тұлғалар, киелі мекендер мен қалалар, Ұлы Жібек жолы, қазба байлықтары мен Алтын адам, Алматы апорты мен Түлкібас қызғалдағы, бүгінгі ел мақтанышы Димаш Құдайбергенов туралы таныстырылым жасады.

Сондай-ақ, Шымкент қаласы, 87 жылдық тарихы бар Өзбекәлі Жәнібеков атындағы ОҚПУ мен мемлекет және қоғам қайраткері, этнограф Өзбекәлі Жәнібеков, оның мұралары туралы деректер айтылды. Баршагүл Қашқынқызының тақырыпқа сай ұлттық киімде, қазақы әшекейлермен өткізген сабағы шетел студенттерінің қызығушылығын оятты.

Чехия жастары Қазақстанды бұған дейін елімізде жақсы дамыған, әлемде кеңінен таралған спорт түрі армрестлинг арқылы білетіндерін жеткізді. Ал, Zhanibekov University-де бүгінде 14 студент Орта Азия чемпионы атанған қолкүрес шебері болып табылады.