УНИВЕРСИТЕТТЕ ЭНДАУМЕНТ ҚОРЫН ҚҰРУ МӘСЕЛЕСІ ТАЛҚЫЛАНДЫ
Өзбекәлі Жәнібеков атындағы Оңтүстік Қазақстан педагогикалық университетінің Басқарма төрағасы – ректор Қайрат Балабиев Қазақстан Республикасы Парламенті Мәжілісінің VIII шақырылым депутаттарымен кездесті. Кездесу барысында жоғары оқу орнында эндаумент қорын құру бастамасы жан-жақты талқыланды. Жиынға Мәжілістің экс-депутаттары Болатбек Нәжімединұлы, Ерболат Саурықов, Әбутәліп Мүтәлиев, Данабек Исабеков, Мұқаш Ескендіров , Бауыржан Смағұлов және Нұрсұлтан Байтілесов қатысты. Басқосуда университеттердің қаржылық тұрақтылығын нығайту, академиялық дербестігін арттыру және білім беру сапасын ұзақ мерзімді негізде қамтамасыз етудегі эндаумент қорларының рөлі сөз болды.Эндаумент қорын құру тетіктері Қазақстан Республикасының «Білім туралы» Заңының 47-1-бабында және Қазақстан Республикасының Азаматтық кодексінде айқындалған. Бұл құқықтық негіз жоғары оқу орындарына қосымша қаржы көздерін қалыптастырып, инвестициялық табыс есебінен өз дамуын тұрақты қаржыландыруға мүмкіндік береді.
Кездесуде Тараз инновациялық-гуманитарлық университетінің ректоры Ерболат Саурықов эндаумент қорын қалыптастырудағы тәжірибесімен бөлісті. Оның айтуынша, университет бұл бағыттағы жұмысты әлемнің жетекші жоғары оқу орындарының, соның ішінде Stanford University тәжірибесіне сүйене отырып жүзеге асыруда.
— Қордың басты ерекшелігі – қорға түскен қаражатты бірден материалдық қажеттіліктерге жұмсамау. Керісінше, негізгі капитал инвестициялық құралдарға орналастырылып, одан түсетін табыс университеттің білім беру, ғылыми-зерттеу, инфрақұрылымды жаңғырту және әлеуметтік жобаларын қаржыландыруға бағытталады. Бұл тәсіл халықаралық тәжірибеде жоғары оқу орындарының ұзақ мерзімді қаржылық тұрақтылығын қамтамасыз етудің тиімді моделі ретінде мойындалған, — дейді Ерболат Байұзақұлы.
Эндаумент қорларын дамыту Мемлекет басшысының жоғары білім беру жүйесінің бәсекеге қабілеттілігін арттыру, университеттердің қаржылық дербестігін күшейту және мемлекеттік-жекеменшік әріптестікті дамыту жөніндегі стратегиялық міндеттерімен сабақтас. Мұндай қорлар бюджеттен тыс қаржыландыру көздерін көбейтіп қана қоймай, білім мен ғылымға қоғамның, түлектердің және бизнестің инвестициялық қатысу мәдениетін қалыптастыруға ықпал етеді. Кездесу қорытындысында университет ректоры Қайрат Рахымұлы Ғылыми жұмыстар және инновациялар жөніндегі проректор Ержан Керімбековке эндаумент қорын құру бойынша көршілес жоғары оқу орындарының тәжірибесін зерделеп, сала мамандарымен тәжірибе алмасуды және жобаны кезең-кезеңімен жүзеге асыру жөнінде нақты ұсыныстар әзірлеуді тапсырды.
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ