Бүгін университет Басқарма төрағасы-Ректор Қайрат Балабиев оқу орнындағы «Жайдарман» үйірмесінің жетекшісі Тағай Нұралиевпен және «Он алты қыз» командасының ойыншыларымен кездесіп, еркін пікір алмасты.

Кездесу барысында жастардың шығармашылық әлеуетін дамыту, жайдарман жастар ойындарын қолдау және студенттердің қоғамдық-мәдени өмірге белсенді қатысуы жөнінде ойлар ортаға салынды. Ректор команда мүшелерімен сұхбаттасып, олардың ұсыныстары мен пікірлерін тыңдады.

Жиынға университеттің стратегиялық даму және әлеуметтік істер жөніндегі проректоры Баршагүл Исабек те қатысты. Ол жастар бастамаларын қолдауға бағытталған алдағы жобалармен бөлісіп, студенттердің шығармашылық қабілеттерін шыңдауға және талантты жастарға қолайлы орта қалыптастыруға бағытталған жұмыстар туралы ой бөлісті.

Еркін форматта өткен кездесу жастардың бастамаларын қолдау, олардың тың идеяларын жүзеге асыру және университеттегі шығармашылық ортаны дамыту бағытындағы өзара ынтымақтастықты нығайтуға мүмкіндік берді.