ТАҒДЫРЫ – ТАҒЫЛЫМ, ӨМІРІ – ЕРЛІК, ҰСТАЗДЫҒЫ – ӨНЕГЕ
Бүгін оқу ордамызда КСРО халық мұғалімі, Ұлы Отан соғысының ардагері болған Құмаш Нұрғалиевке арналған тағылымды кездесу өтті.
Құмаш Нұрғалиев — өткен ғасырдың жетпісінші жылдарының өзінде-ақ ауыл мектебінде спутниктік жүйеде «қашықтан оқыту» идеясын жүзеге асырды. Әрбір сыныптың радиосы, теледидарлық және телефондық нүктелері болды.
Бұл әкімшіліктің мұғалімдермен және оқушылармен үнемі байланыста болуына, кез-келген сабақта бейнефильмдерді пайдалануына мүмкіндік берді.
Кездесуге ұстаздың ұрпағы, Қазақстан Ұлттық Жаратылыстану ғылымдары Академиясының академигі, педагогика ғылымдарының докторы, профессор, «Ұлттық ақпараттандыру орталығының» экс-президенті Гүл Құмашқызы, педагогика ғылымдарының докторы, профессор Сақыпжамал Ұзақбаева қатысып, мазмұнды естеліктерімен бөлісті. Университет медиаорталығы ұсынған арнайы бейнеролик назарға ұсынылды.
Сондай-ақ, шара аясында ұйымдастырылған «Құмаштың ерлігі» озық тәрбие сағаты, «Халық мұғалімі Құмаш Нұрғалиев» эссе-байқауы мен жас ақындар мүшәйрасының, білім беруді ақпараттандырудың озық үлгілері бойынша студенттердің жоба жұмыстарының жеңімпаздары анықталып, марапатталды.
Кездесу қонақтарына университет Басқарма төрағасы-ректор міндетін атқарушы Гүлжан Сүгірбаева «Құрметті профессор» атағын табыс етті. Тарихи тағылымы зор шараны тарих және педагогика факультеті ұйымдастырды.
Фото Береке Сейітжаппар
Осыған ұқсас
ШЕТЕЛДІК БІЛІМ АЛУШЫЛАРҒА АҚПАРАТТЫҚ КЕЗДЕСУ ӨТТІ
«БОЛАШАҚ» БАҒДАРЛАМАСЫ АЯСЫНДА ХАЛЫҚАРАЛЫҚ ТӘЖІРИБЕ АЛМАСУ СЕМИНАРЫ ӨТТІ
«ДИПЛОМНАН ҚҰЗЫРЕТТІЛІККЕ: БОЛАШАҚ ПЕДАГОГТЫҢ КӘСІБИ КАПИТАЛЫ» ТАҚЫРЫБЫНДА КЕЗДЕСУ ӨТТІ
ЖАСАНДЫ ИНТЕЛЛЕКТ ДӘУІРІНДЕГІ БІЛІМ ФИЛОСОФИЯСЫ: ХАЛЫҚАРАЛЫҚ ҒЫЛЫМИ КОНФЕРЕНЦИЯ ӨТТІ
РУХАНИ ҚАУІПСІЗДІК ЖӘНЕ САНАЛЫ ТАҢДАУ
ӨЛЕҢ МЕН ӨНЕР ТОҒЫСҚАН ПОЭТИКАЛЫҚ КЕШ
БҰРЫМДЫ ҚЫЗ – ҰЛТ КӨРКІ
СТУДЕНТТЕРГЕ «АБАЙ ФЕНОМЕНІ», «ТОЛЫҚ АДАМ» ІЛІМІ ЖӘНЕ ӘДІЛЕТТІ ҚОҒАМ ҚҰНДЫЛЫҚТАРЫ ТҮСІНДІРІЛДІ
«ОЙ ҚОЗҒАУ ОРТАЛЫҒЫ»: УНИВЕРСИТЕТТІҢ СТРАТЕГИЯЛЫҚ ДАМУ БАҒЫТТАРЫ ТАЛҚЫЛАНДЫ